Како да добиете нежни, пастелни велигденски јајца?

Нежните, пастелни бои ни се омилени секоја пролет, а кога ќе дојде време за вапцање на јајцата, се обидуваме да ги пренесеме на празничната трпеза.

Ви откриваме начин на кој без бои за јајца може да добиете прекрасни, пастелни нијанси.

Ви требаат само прехрамбени бои за колачи.

За оваа постапка најдобро е да користите бели јајца, бидејќи темните лушпи ја менуваат бојата.

Постапка:

Саканиот број на јајца ставете ги во тенџере, прелијте со ладна вода, посолете и варете на вообичаен начин. Кога ќе се сварат, јајцата извадете ги од водата и оставете ги целосно да се оладат.

Подгответе неколку шолји со вода, во кои ќе капнете од прехрамбената боја.

Соодносот е следен: 200ml вода, 1 лажица оцет и 1 лажица од бојата за колачи.

Добро промешајте и во течноста ставајте по 1 јајце. Држете го потопено додека не ја постигнете саканата нијанса.

Извадете ги јајцата за целосно да се исушат, па ако сакате потоа може да ги премачкате со малку масло на памукче или крпа.

М. Д. | Црнобело