8 трикови со кои ќе си го олесните готвењето (и ќе заштедите пари)

Ако ви останат многу свежи зачини што не можете да ги искористите пред да се расипат, ставете ги во калап за мраз, ставете им маслиново масло и замрзнете ги.

Колку и да сме внимателни, некогаш сите сме присилени да фрламе храна. Некогаш ја забораваме дека ја имаме, а некогаш и купуваме повеќе од што можеме да изедеме.

Но, постои начин да го продолжите рокот на многу намирници, а со тоа и да го намалите фрлањето на храната.

Постојат и трикови што ќе ви помогнат да го намалите и другиот кујнски отпад, како и трикови што многу ќе ви го олеснат готвењето.

Неколку вакви трикови во продолжение:

Како доматите да ви траат подолго?

Ако не ги чувате правилно, доматите можат да се расипат и за само 2-3 дена, особено ако времето е многу топло.

Доматите секогаш треба да ги чувате во фрижидер, особено ако се многу зрели. Но, пред да ги јадете, препорачливо е да ги оставите час-два на собна температура.

Ако, пак, имате исечен домат, ставете го во добро затворена пластична кутија или завиткајте го во пластична фолија, па ставете го фрижидер. На овој начин дури и пресечениот домат ќе ви трае 2-3 дена.

Чувајте ја пластичната фолија во фрижидерот

Пластичната фолија знае да се залепи, па може да биде практично невозможно да ја одвиткате без да ја скинете.

Но, ако ја чувате во фрижидер, лесно ќе го избегнете ова.

Поради ниската температура фолијата нема да биде многу леплива, па многу полесно ќе ја одвиткате.

Замрзнете ги свежите зачини

Ако имате многу свежи зачини како босилек или магдонос кои знаете дека нема да ги изедете навреме, можете драстично да им го продолжите рокот на траење ако ги замрзните.

Исечкајте ги, ставете ги во калапи за мраз, па додајте маслиново масло и ставете ги во замрзнувач.

Потоа само вадете ги по потреба – можете да го ставите замрзнатото масло директно во тавата.

Како да проверите дали јајцата се свежи?

Постои многу едноставен трик што ќе ви помогне во ова, а за кој ви требаат само чаша и вода.

Наполнете ја чашата со вода и ставете го јајцето внатре.

Ако јајцето падне на дното, тоа значи дека е свежо. Ако е малку над дното, значи дека не е многу свежо, но сепак е погодно за јадење.

Ако јајцето исплива на површината, тогаш најдобро фрлете го.

Уште четири трикови на следната страница...