Висечки растенија во домот: Кои видови се најпогодни?

Висечките растенија најчесто потекнуваат од потопли поднебја, и затоа на повеќето ќе им треба топла и најчесто влажна атмосфера, со силна, но индиректна светлина.

Собните растенија се одличен начин да го разубавите вашиот ентериер и да ја внесете природата внатре, но, понекогаш може да биде тешко да најдете простор за саксии. Решение? Па, одлучете се за висечки растенија.

Каде да ги поставите висечките растенија?

Висечките растенија најчесто потекнуваат од потопли поднебја и затоа на повеќето ќе им треба топла и најчесто влажна атмосфера, со силна, но индиректна светлина.

Во зима им треба топло, најмалку 10-15°C, но внимавајте да не ги ставите директно над топол радијатор.

Исто така не треба да ги ставите премногу блиску до прозорец со провев. За да им ја зголемите влагата, наполнете шише со распрскувач и повремено прскајте ги со вода.

Најдобрите висечки растенија за во затворен простор

Хлорофитиум (Chlorophytum comosum)

Хлорофитиумот има долги и тесни листови и е отпорно растение кое одлично ќе се вклопи во вашиот дом.

За него се верува дека го прочистува воздухот во домот, а бидејќи не бара премногу голема нега, одличен е и за почетници.

Тиландсија

Ова е таканаречено воздушно растение и затоа лесно може да се грижите за него. Расте без земја, но повремено ќе му треба прскање, а потребно му е и повеќе сончева светлина.

Уникатно е и ќе биде одлична декорација за вашиот дом.

Божиќен кактус

Зеленилото на божиќниот кактус, на крајот декорирано со цветови кои ги среќаваме во различни бои, нема да ве остави рамнодушни.

Не го наводнувајте често, туку почекајте почвата целосно да се исуши. Исто така, обезбедете му доволно светлина за да имате здраво и убаво растение.

Филодендрон

Филодендронот има темнозелени листови „прскани“ со жолта боја. Може да порасне во должина и до неколку метри, да виси како завеса, но може и да го кратите и да го одржувате пократко.

Одвреме-навреме бришете му ги листовите со влажна крпа со цел да ја отстраните прашината.

Продолжува на следната страница...