Висечки растенија во домот: Кои видови се најпогодни?

Магарешка опашка (Sedum morganianum)

Овој висечки сукулент додава интересна текстура во секоја соба. Има бледозелена боја и е во тренд.

Обезбедете му доволно светлина, а не го наводнувајте често, туку почекајте почвата целосно да се исуши.

Низа од срца (Ceropegia woodii)

Ова растение е толерантно на суша и има листови во форма на срце. Расте до 4 метри во должина, при што ќе треба да го поставите на повисоко место.

Собен папрат

Собниот папрат е погоден за внатрешните простории во домот, а е и одличен прочистувач на воздухот.

Ако се одлучите за ова растение, имајте предвид дека треба да му обезбедите доволно влажност, а и редовно да му ги отстранувате сувите ливчиња.

Begonia maculata

Ова растение го среќаваме со розови, бели или црвени точки на листовите. Не го ставајте директно на сончева светлина, бидејќи може да му избледи бојата на листовите, или уште полошо, да ги изгори целосно.

Ако е можно, сместете го во близина на прозорците свртени кон исток и запад, а јужната страна чувајте ја за зима.

Грижа за собните висечки растенија

Повеќето собни растенија не успеваат поради прекумерно или недоволно наводнување. Затоа, пред да се одлучите за кое било висечко растение, едуцирајте се добро за тоа што му е потребно на секој вид.

Генералниот совет е следниов: Оставете ја почвата да се исуши добро пред да го наводните повторно растението, во зима кога е во мирување полевајте помалку, а во сезоната на раст редовно прихранувајте го.

М. Ѓ | Црнобело