Среќен бамбус – Како да се грижите за него и зошто е добро да го имате во домот?

Таканаречениот среќен бамбус може да вирее во секој дел од домот, но, според Фенг шуи, поставете го на источната страна од вашиот дом. На овој начин треба да ви донесе среќа, богатство и просперитет.

За да го одгледувате среќниот бамбус (Lucky bamboo) во вашиот дом, ќе ви требаат само малку вода и малку сонце, а според Фенг шуи, тој ќе ви донесе среќа, особено ако го добиете како подарок.

Исто така, според Фенг шуи се верува дека среќниот бамбус во своето опкружување ги балансира природните елементи, вода, земја, оган и дрво.

Според кинеската традиција, секој број на бамбус стебленца кои ги чувате во вашиот дом има одредено значење:

• Два – љубов
• Три – среќа, богатство и долговечност
• Пет – просперитет
• Шест – среќа и благосостојба
• Осум – раст и напредок
• Девет – исклучителна среќа
• Десет – совршенство
• Дваесет и еден – благослов

Какви услови му се потребни на среќниот бамбус?

За да го одржувате среќниот бамбус, треба да му ја менувате водата секоја недела. Не сака директна сончева светлина, а му одговара просечна собна температура од 20 до 23 степени.

Иако не треба многу да го прихранувате, имајте на ум дека сепак е жив организам, а не пластично растение, па барем еднаш месечно додајте капка течно ѓубриво во водата. При менувањето на водата, не ставајте директно од чешма, туку оставете ја водата да постои барем една ноќ.

Понекогаш листовите може да пожолтат и тоа се случува најчесто поради премногу директна светлина или ако водата што ја ставате е со премногу хлор.

Среќниот бамбус може да го одгледувате и во земја која постојано треба да ја одржувате влажна, но нема потреба за тоа, сосема доволно е да го држите во вода и редовно да му ја менувате.

Ова растение добро ќе расте во сите делови од домот, но според Фенг шуи поставете го на источната страна од вашиот дом. На овој начин треба да ви донесе среќа, богатство и просперитет.

Многу луѓе се прашуваат дали ако сушењето на бамбусот носи лоша среќа и дали е лошо ако самите си го купат себе, а одговорот и на двете прашања е негативен.

Среќниот бамбус носи среќа без разлика дали ќе го купите за себе или за некој друг, па дури и да се исуши. Тогаш само заменете го со нов.

М. Ѓ | Црнобело