Најчестите проблеми со домашните растенија и како да се справите со нив

Темни дамки и жолти рабови

Најчесто, ова е знак за бактериска инфекција. Ако, пак, растението има светли дамки, можеби проблемот е преголемата изложеност на сонце.

Што да правите?

Најпрво одделете го растението од другите, за да не се прошири инфекцијата. Отстранете ги „болните“ листови и дозволете му на растението само да закрепне.

Избледени врвови на листовите

Ова може да биде знак за недостаток од хранливи материи.

Што да правите?

Можете да купите ѓубриво, а можете да направите и сами. Во саксијата ставете лушпи од варени јајца, а потоа наводнете го растението и со водата од јајцата. На овој начин ќе го зголемите нивото на калциум и калиум во растението.

Многу мали листови

Ако листовите на вашето растение се премногу мали, веројатно му недостасува сончева светлина.

Што да правите?

Очигледно, треба да го ставите растението на посветло место во домот. Ако ова не го реши проблемот, почесто бришете ја прашината од листовите – на некој начин, таа ја блокира сончевата светлина.

Виткање на листовите

Најпопуларните домашни растенија всушност доаѓаат од тропски и суптропски области, каде што влажноста на воздухот може да биде поголема. Кога ќе ги сместите во просторија со ниска влажност на воздухот, нивните листови можат да почнат да се виткаат.

Што да правите?

Држете ги растенијата подалеку од грејни тела или отвори за вентилација.

Спирова С. | Црнобело