Раствор со кој ќе ги спасите овенатите цвеќиња

За подготовка на овој раствор нема да потрошите ни денар, а ќе ви заштеди многу пари на средства за прихрана на растенијата.

Само треба во една тегла со вода да ставите неколку кори од банани и да оставите течноста да отстои 24 часа.

Една жена од Австралија ја откри оваа мешавина на социјалните мрежи, објаснувајќи дека бананите содржат калиум, фосфор и калциум, кои имаат позитивен ефект на растенијата. Хранливите минерали посебно им одговараат на цвеќињата во фаза на опоравување.

Со течноста која ја оставивте да се соедини 24 часа, само треба да ги заливате билките кои почнале да венеат.

Совет е и растенијата кои не виреат добро, барем еднаш неделно да ги пребришувате со влажна крпа по листовите, за да се отстрани прашината и повторно да може растението да дише.

М. Д | Црнобело