Не ги фрлате пожолтените лисја, лошо наводнување: Зошто цвеќињата ви се сушат и ви овенуваат?

Не ги отстранувате мртвите лисја

Ако забележите дека некои ливчиња од растението имаат жолта или кафеава нијанса, тоа значи дека се сушат. Обично овие листови паѓаат сами, но уште подобро ако ги отстраните вие. На овој начин нема да им ја блокираат светлината на другите листови.

Ако забележите дека само еден дел од листот е сув, тогаш не мора да го отстранувате цел – пресечете го само исушениот дел.

Недостаток од влага на лисјата

Многу од „домашните“ растенија потекнуваат од тропски предели каде што влажноста на воздухот е голема. Во домот, особено кога е грејна сезона, воздухот може да стане многу сув, а ова има негативно влијание врз листот.

За да го решите овој проблем доволно е одвреме-навреме да ги прскате ливчињата со вода.

Мали саксии

Ако забележите дека вашето растение престанало да расте, можеби нема доволно простор во саксијата. Во тој случај ќе треба да го пресадите во поголема саксија.

Додека го прави ова, треба да земете предвид неколку нешта:

• Осигурете се дека ќе набавите доволно голема саксија и доволно почва
• Внимателно извадете го растението од саксијата – ако му била премногу мала, ќе забележите дека неговите корени се многу збиени. Ако можете отстранете дел од земјата од корените, за кога ќе го пресадите растението подобро да ги впива хранливите материи.
• На крај ставете го растението во новата саксија и целосно покријте го коренот со почва. Навлажнете ја земјата и оставете го растението 2-3 дена на светло место. Потоа можете да го ставите каде сакате.

Штетници

Разните инсекти кои им штетат на растенијата можат да се појават и во домот. Ако забележите дека растението венее, добро проверете дали на неговите листови има некакви бубачки.

Во овој случај најдобро е да се консултирате со експерт, кој ќе утврди со што си имате работа и ќе ви каже како да го решите проблемот.

Спирова С. | Црнобело