Совети за одгледување вербена – цвеќе кое привлекува пари и благосостојба во домот

Изгледа прекрасно во жардињери и во саксии, а се верува дека ќе ви донесе многу среќа и пари во домот. Вербена е билка што цвета од рана пролет до есен и е одлично решение доколку сакате да го декорирате балконот со цвеќе што ќе ви донесе среќа.

Старите народи често ја користеле како лековита билка, а исто така во одредени култури била користена за благословување на објектите и на олтарите во светилиштата.

Неслучајно кај некои од старите европски народи била позната и како „билка на љубовта“ и „билка на крстот“.

Во стариот Египет, вербената била сметана за свето растение и тие верувале дека таа настанала од солзите на божицата Исис додека тагувала заради смртта на богот Озирис.

Според Персијците, античките Грци и Римјаните, вербената исто така била свето растение што има голема лековита моќ.

Денес вербената често може да се најде како саксиско цвеќе во розова, виолетова, црвена, бела, сина, па и во боја на кајсија.

Станува збор за едногодишно растение што расте на височина од околу 20cm.

Според фенг-шуи експертите розовата и црвената вербена пред влезната врата ќе ви донесат многу среќа, пари и благосостојба во домот, а секако треба да внимавате таа да биде здрава и да нема исушени листови.

Вербената е идеална и за оние што не се премногу посветени на одгледувањето цвеќиња затоа што мошне е лесна за одржување.

Потребно е само умерено да ја залевате (околу двапати неделно) и повремено да ги отсекувате гранките за побујно да цвета.

Потребни ѝ се околу шест часа дневна изложеност на сонце, а не треба премногу да внимавате при изборот на земја.

 Б. С. Б. | Црнобело