Бели дамки на лисјата и уште 7 промени на растенијата кои не треба да ги игнорирате

Пожолтените лисја можат да укажуваат на неколу работи - премногу или премалку вода, но и проблеми со корените.

Растенијата се одличен украс за домот, но си бараат одредена грижа.

Сепак, колку и да се грижите за нив, сигурно ви се случило да забележите некоја негативна промена, а да не знаете зошто.

Во продолжение најчестите промени кај растенијата и зошто настануваат:

Паѓање на лисјата

Кај некои растенија, паѓањето на лисјата е нормално, па најпрво истражете дали ова е карактеристично за вашето растение.

Некогаш лисјата на растението паѓаат кога тоа пробува да се адаптира на нова околина, особено ако го преместите на потемно место.

Лисјата можат да почнат да паѓаат и ако треба да го пресадите растението во поголема саксија.

Пожолтени лисја

Постојат неколку причини за пожолтувањето на лисјата.

Најпрво можеби има премногу или премалку вода. Ако почвата е многу влажна, корените не можат да ги впијат хранливите материи што му се потребни на растението, па листовите пожолтуваат.

Сличен ефект настанува и кога растението нема доволно вода – тоа не ги добива потребните хранливи материи и лисјата почнуваат да пожолтуваат.

Во овој случај важно е да откриете колку вода му треба на вашето растение и да го наводнувате според тоа.

Некогаш лисјата на растенијата пожолтуваат и кога има проблеми со корените.

Можете да ги проверите корените така што малку ќе го извадите растението од саксијата. Треба да имаат бела или многу светло жолта боја.

Ако сте темни и имаат непријатен мирис, веројатно ќе треба да го замените растението.

Исто така, лисјата пожолтуваат и ако на растението му треба поголема саксија.

Свиткани лисја

Ако лисјата на растението почнуваат да се виткаат, тогаш тоа пробува да ја задржи водата во него.

Ова се случува кога растението е изложено на многу висока и температура, така што водата од него испарува побрзо.

За да го решите овој проблем, ставете го растението на постудено место.

Кафеави врвови на лисјата

Врвовите на растението можат да станат кафени ако му ставате премногу или премалку вода, или ако е изложено на многу светлина.

Ако врвовите се и суви и се ронат кога ќе ги допрете, тогаш дефинитивно треба да му ставате повеќе вода на растението.

Исто така, препорачливо е да ги исечете оштетените листови.

Продолжува на следната страница...