Бели дамки на лисјата и уште 7 промени на растенијата кои не треба да ги игнорирате

Белите точки на лисјата

Белите точки најчесто се предизвикани од габи.

Во овој случај најдобро пресечете ги листовите кои се најмногу заразени.

Во продавница за растенија можете да побарате и средство за отстранување на габите, а можете да направите и сами.

Измешајте една лажица сода бикарбона, една лажица масло и една лажица средство за миење садови, во три литри вода. Ставете ја смесата во шише со распрскувач и еднаш дневно нанесувајте ја на растението.

Препорачливо е прво да ја нанесете смесата на само еден лист за да видите како ќе реагира растението. Ако нема несакани ефекти, следниот ден испрскајте го цело.

Кафени дамки на лисјата

И кафените дамки некогаш настануваат поради габи, но можат да настанат и поради премногу вода.

Прво пробајте да му ставате помалку вода на растението. Ако се појавуваат нови дамки, употребете средство против габи.

Бели линии на листовите

Овие бели линии се направени од мали ларви кои го јадат листот.

За да го спречите ширењето на други лисја, најдобро пресечете ги лисјата со бели линии.

Исушено стебло

Штом стеблото ќе се исуши, најверојатно растението е мртво поради недоволна грижа. Но, некогаш можете и да го спасите.

Прво потсекувајте го сувото стебло – ако забележите дека во средината е зелено, престанете со сечење. Ова значи дека растението уште не е целосно мртво и со малку труд можете да го вратите во нормала.

Ако стеблото е целосно суво, проверете ги корените – ако се во ред, исечете го стеблото речиси до крај и со текот на времето растението ќе порасне (но само ако се грижите за него).

Спирова С. | Црнобело