Боинг 737 претворен во луксузна вила со прекрасен поглед - би се сместиле ли тука?

Детали

сабота, 01 јуни 2024

На врвот на карпата во близина на плажа во Бали се наоѓа авион. И не, не е таков авион кој ќе ве однесе до следната дестинација, туку станува збор за луксузна вила.

Бали е позната туристичка атракција, особено поради топлите температури кои преовладуваат речиси цела година, но и беспрекорната природна убавина што ја нуди.

Иако првите асоцијации со Бали се плажите и пливањето, што не е далеку од вистината, Бали е многу повеќе од тоа.

Оваа дестинација е полна со антички храмови, прекрасна природа и зеленило.

Овде постојат повеќе атракции кои може да ви изгледаат привлечни, а на врвот на карпата во близина на плажата Нјанг-Нјанг се наоѓа авион.

И не, не е таков авион кој ќе ве однесе до следната дестинација, туку станува збор за луксузна вила.

Овој авион кој сега е луксузна вила некогаш бил дел од флотата на Mandala Airlines, а повлечениот од употреба Боинг 737 бил купен од претприемачот Феликс Демин, кој го сместил на оваа волшебна локација на 150 метри надморска височина.

Ексклузивна, пространа и со многу содржини за гостите, вилата може да прими до четири лица.

Официјално беше отворена во декември 2023 година, а денес е една од најпрепознатливите и најбараните луксузни дестинации во светот.

Вилата има дневна соба со шанк и софа, две спални соби со плакари, две бањи и комплетно опремена кујна.

Пилотската кабина е претворена во голема бања, а едно од авионското крило е претворено во прекрасна тераса.

Надвор има зелена тераса со лежалки, простор за одмор, а посебно искуство ќе доживеете и пливајќи во базенот со поглед на океанот.

Па, кој не би сакал да ужива на вакво место?

М. Ѓ. | Црнобело