Најубавиот ресторан над Которскиот Залив – се стига со жичница, има неверојатен поглед

Детали

сабота, 24 август 2024

На планината Ловќен над Котор, се наоѓа најубавиот ресторан со магичен поглед кон заливот – македонска инфлуенсерка го посети и вели дека искуството е прекрасно, но услугата не ја фасцинирала.

Доколку летово одите во црногорскиот град Котор, вреди да го посетите ресторанот кој се наоѓа на планината Ловќен.

Дотаму се стига со гондола, односно жичница, за која повратен билет чини 23 евра, а возењето трае 10-тина минути.

Може да се оди и со автомобил, но патот е многу тесен и непријатен и не се препорачува.

Forza Kuk е локал кој го нуди можеби најубавиот поглед во Црна Гора, со прекрасна глетка на Которскиот Залив.

Нашата инфлуенсерка Теона Манго неодамна го посети локалот и напиша дека ја има најмагичната глетка, но се пожали за услугата, бидејќи освен пијалакот, не успеале да нарачаат ништо за јадење.

Сепак, секој може да има индивидуално искуство и очекувања, а дефинитивно вреди да го посетите, макар да испиете еден пијалак со прекрасен поглед и зајдисонце.

Погледнете повеќе фотки:

М. М. | Црнобело