На гости кај водителката Ивана Јанковска: Модерен стан во Тафталиџе, со отворени полици за чанти и златни детали

Детали

сабота, 26 јули 2025

„Деталите како отворените полици за ташни, скриените светла кои ги има насекаде, и огледалата кои се ширум цела спална соба - тоа сум дефинитивно јас. И да ви кажам една тајна - плакарите ми се толку големи што можеш да се изгубиш внатре“, вели водителката Ивана, која за CRNOBELO.com ги отвори вратите од својот дом.

Ивана Јанковска, уредник и водител на емисијата Stars TV Show, по професија е дипломиран информатичар.

Но, таа е и голем естетичар, дама со дефиниран вкус, која, сама, со своите идеи и помош на архитектка, се погрижила за уредувањето на својот дом.

За станот во кој живее веќе неколку години, вели дека е модерен, светол и уреден по нејзин вкус.

„Сместен е во урбано скопско делче, Тафталиџе со прекрасен поглед на Водно.

По квадратура не е многу голем, има 60m², но токму во овој простор успеав да направам место кое ќе зрачи со топлина стил и позитивна енергија. За еден човек - измислено“, вели Ивана за CRNOBELO.com.

Таа ни ги откри и тајните на уредувањето на нејзиниот дом, идеите кои ја воделе, но и деталите кои го прават овој простор совршен за неа.

За CRNOBELO.com, Ивана раскажува:

„Пред почетокот на уредувањето, имав една единствена визија - сакав модерен простор што ќе зрачи со светлина, стил и енергија.

Сакав, кога ќе влезам дома, да се чувствувам убаво и срцето да ми биде мирно.

Дневната ми беше најважна - сакав простор што ќе ми биде пријатен и за опуштање, и за дружење.

Сакав голема и удобна софа, топол под, зелени растенија и уметност на ѕидовите, сѐ што ќе ми ја подигне енергијата.

Телевизорот е огромен, не случајно, сакав ‘домашно кино’, без да изгубам на естетиката.

Кујната е многу елегантна, стилска и практична. Боите се совршена рамнотежа помеѓу чистота и топлина.

Сакам минимализам, ама не претерано, затоа секогаш имам свежо цвеќе, свеќа, некој детаљ кој што дава душа.

Во склад со кујната имам мало островче (шанкче) кое е од сите страни функционално.

Во него има вградена мала винарија, а веднаш до шанкот има дел кој е специјално направен за пијачки.

Продолжува на следната страница...