Модерен стан за младо и активно семејство (фото)

Детали

понеделник, 17 април 2017

Удобноста, чистината и добрата енергија се главни обележја на овој квалитетно уреден простор, кој ги задоволува сите потреби на неговите сопственици.

Динамичното темпо на секојдневието наметнува бројни предизвици, особено за младите двојки. Еден од нив е и создавањето убаво, практично и современо гнездо за заеднички живот.

Ентериерот кој ви го прикажуваме е проект што совршено одговара на желбите на младо и активно семејство, кое сака да се дружи, опушта, работи, готви и дочекува гости во својот дом.

Станот е со модерен призвук, обединувајќи повеќе различни финеси на скандинавскиот стил во една естетска и повеќенаменска целина, која е како создадена за неговите сопственици.

Дневниот престој е пример за вешт спој на удобност и стил, со привлечен дизајн на мебелот. Парчињата кои се одбрани за оваа зона се едноставни, функционални и минималистички, а во просторот преовладуваат чистите линии и воздушестиот амбиент.  

Основни бои се сивата и белата, со акценти во црна и сончево жолта нијанса, која привлекува внимание со својата ведрина. Дневната соба комуницира со кујната и трпезаријата, со што природната светлина непречено циркулира низ секое катче.

Покрај нив, сместена е и домашната мини канцеларија, каде родителите може да ги извршуваат дополнителните обврски поврзани со работата.

Станот има две спални соби. И двете се уредени мошне префинето и елегантно, со примена на иста палета на бои, а со користење и на одредени декоративни елементи од дневниот престој.

Во продолжение, погледнете ја галеријата и ѕирнете во секое катче од овој инспиративен дом:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело