Романтика во 53м2: Ѕирнете во најмалиот хотел на светот

Детали

четврток, 03 август 2017

Малите куќи, станови и простори си имаат свои предности ако се паметно осмислени. Ако сакате ваков концепт, ќе се заљубите во хотелот Eh'häusl во Амберг, Германија.

Со површина од само 53 метри квадратни, овој хотел го држи рекордот за најмалиот хотел на светот во Гинисовата книга на рекорди. Целата зграда е широка само 2,5 метри, простор во кој навидум е невозможно да се смести хотел со соби.

Името на хотелот се преведува како „брачен хотел“ што значи дека хотелот нуди одлично романтично сместување за љубовни двојки.

Хотелот е изграден во далечната 1728 година. Во тоа време, младите кои сакале да стапат во брак требало да поднесат доказ дека поседуваат имот во градот Амберг. Младоженецот пронашол дворно место помеѓу два имоти, го купил, ставил покрив и ѕидови и му дозволиле да се ожени со неговата девојка.

Едно ноќевање во овој хотел чини 240 евра, а на следниве фотографии можете да видите како изгледа хотелот Eh'häusl:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. В. | Црнобело