За млада и тренди дама: Фенси стан од 35 метри квадратни (фото)


За млада и тренди дама: Фенси стан од 35 метри квадратни (фото)

Добредојдовте во малото женско кралство, кадешто царуваат добриот вкус и стил, а спакувани се во простор со скромна површина.

za-mlada-i-trendi-dama-fensi-mini-stan-od-35-metri-kvadratni-foto-1.png

Младата клиентка сакала максимално функционален ентериер, а со оглед на тоа дека поседува само 35 метри квадратни, главната цел била да се намени секој сантиметар од домот, користејќи ги сите расположливи средства.

Мноштво методи кои се применети при уредувањето на станот, веќе се добро познати и секогаш функционираат. Кога сите ѕидови и таванот се бојадисани во една нијанса, амбиентот е повоздушест, а се создава и ефект на повисок плафон.

za-mlada-i-trendi-dama-fensi-mini-stan-od-35-metri-kvadratni-foto-2.jpg

Во конкретниот случај, преку употреба на светлите тонови, не само за ѕидовите, туку и за мебелот, сите граници во просторот се визуелно стопени, така што станот не изгледа згужвано и задушено, наспроти малата површина.

Потенцијалот на белата боја е искористен до максимум. Целиот дизајн, пак, стилизиран е со пастелни моменти на бела позадина.

za-mlada-i-trendi-dama-fensi-mini-stan-od-35-metri-kvadratni-foto-3.jpg

Големите парчиња мебел, како што се кујнските елементи и гарнитурата во дневниот престој, суптилно се слеваат со ѕидовите, па стануваат речиси невидливи.

Посебно внимание е посветено и на решенијата за складирање, бидејќи станарката е тренди дама со многу гардероба. Не се изоставени ниту декоративните детали, а откако на нејзе ѝ била оставена можност за самоизразување на ѕидот позади софата, тој сега наликува на мини уметничка галерија.

za-mlada-i-trendi-dama-fensi-mini-stan-od-35-metri-kvadratni-foto-4.jpg

Урбано и фенси – ѕирнете низ катчињата на ова префинето станче, кое е вистинска инспирација за модерните девојки:

М. А. | Црнобело

Би можело да ве интересира:

На гости кај Ива од Битола: Розов дом во Барби стил (фото) Ива, која работи како судија – поротник при Апелационен суд Битола, смета дека д...
На гости кај Елена Алач: Стан во Охрид со светли бои и „направи сам“ проекти (фото) „Ги обожавам моите „направи сам“ проекти кои многу често спонтано настануваат од...
На гости кај Вера Калин: Впечатлив дом во Скопје обоен во зелено – сиви тонови (фото) „Домот ми е комбинација од парчиња кои отсекогаш ми се допаѓале: катче за читање...