Дизајн за 10-ка: Трособен стан за младо семејство со деца (фото)

Детали

сабота, 28 април 2018

Преку миксот на пудресто розова и сива боја, во ентериерот е постигнат воодушевувачки отмен и луксузен ефект.

Никогаш не ни е доста од убави и инспиративни простори. Особено кога нудат нови прекрасни идеи, па одново нѐ изненадува креативноста на експертите за внатрешно уредување.

Трособниот стан што денес ви го прикажуваме е исклучително софистициран, а наменет е младо семејство со деца. Дизајнерката Елена Иванова го скоцкала со внимателен избор на бои, текстури и висококвалитетни материјали, а надополнет со раскошни златни детали.

За луксузниот амбиент во голема мера е заслужна пастелната палета, која на деликатен начин ги обединува нежните розови и сиви нијанси, но и гламурозните декорации во Арт Деко стил.

Сè е добро испланирано – од меката гарнитура за седење во дневниот престој, преку мермерниот шанк што ги раздвојува кујната и трпезаријата, па до оригиналните теми на спалната и детската соба.

Просторот е со вкупна површина од 84 метри квадратни, а за разлика од мноштвото модерни домови, тука не е применет отворен план на распоредот. Покрај споменатите соби, располага и со убава бања, но и посебен гардеробер каде може да се чекори.

Нашата оценка за неговиот дизајн е чиста 10-ка. Колку би му дале вие? Погледнете ги сите фотки, пред да се одлучите за конечниот одговор:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело