На гости кај Емран: „Погледот од мојата тераса во Ростуше е спектакуларен, а Дуфскиот Водопад ми е на 1 километар“

Впечатлива е и старата џамија која е сместена во самото село Ростуше. Тука е и преубавата река Радика, која е најголема притока на реката Црн Дрим.

Специфично за нашиот крај е тоа што народот е многу гостопримлив топол и мирен, но за жал познат е и по тоа што дури повеќе од 60% e иселен во европските држави и моментално во Ростуше живеат само околу 500 луѓе, а на целата територија на општина Маврово и Ростуше околу 4.000.

Најубав период да се посети Ростуше дефинитивно е месец август поради тоа што сите иселеници во Европа се враќаат дома во своите домови и буквално секој ден се организираат секаков вид на манифестации, традиционални свадби и прослави кои траат цел месец.

Нашата држава поседува навистина скапоцени места коишто треба да ги милуваме и негуваме во текот на целата година, а едно од нив е мојот роден крај Ростуше.“

Повеќе фотки од погледот од терасата на Емран:

© CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело