Најоддалечениот хотел во светот – се стига само со хеликоптер, обвиен е со магијата на поларната светлина (фото)

Детали

петок, 19 ноември 2021

На 1.829 m надморска височина, обвиен во магијата на поларната светлина во Алјаска е сместен најоддалечениот хотел во светот до каде се стигнува само со помош на хеликоптер.

Најоддалечениот луксузен хотел во светот Sheldon Chalet е сместен на глечерот Рут во Алјаска, а нуди волшебни погледи на поларната светлина.

Хотелот е одличен за сите оние што бараат изолирани патувања, затоа што до него се пристигнува само по воздушен пат, а задолжителните три ноќевања чинат 35.000 долари.

https://www.instagram.com/p/Br_FjCmnhLs/?utm_source=ig_web_copy_link

Хотелот има пет спални соби, а може да прими и до 10 гости истовремено. Во цената на хотелската услуга се вклучени превоз со хеликоптер, личен персонал, гурманска кујна и активности како возење со санка, пешачење по глечер и планинарење.

Околните планини во националниот парк Денали се природен хабитат на гризли мечки, ирваси и волци.

Хотелот го добил името Sheldon Chalet според имињата на архитектите Дон и Роберта Шелдон, кои ја дизајнирале оригиналната планинска куќа на истото место во 1966-та година.

Кабината во 2018-та година беше изградена во луксузен хотел од страна на децата на Дон, Роберт и Кејт, кои чекале цели 10 години за да добијат дозвола за градба.

Мерни Шелдон, сопругата на сопственикот на хотелот говореше за предизвиците со коишто се соочувале за време на неговата изградба:

„Едноставните работи во животот, како вода од чешма, се голем луксуз кога сте на 1.829 метри надморска височина и над глечер“.

Роберт вели дека е пресреќен затоа што успеал да го заврши проектот што неговите родители го започнале во 60-тите години.

„Мајка ми и татко ми беа луѓе што треба да ги помниме, но нивната желба за овој имот воопшто не се поврзува со она што го оставиле.

Тие само сакаа и другите луѓе да имаат можност да ја искусат магијата на ова место која ја нема на никаде на оваа планета“ – вели Роберт.

Погледнете повеќе фотографии во продолжение:

https://www.instagram.com/p/CNjs_uJLtT-/?utm_source=ig_web_copy_link

Б. С. Б. | Црнобело