Стан во Гостивар е како сцена од новогодишна бајка (фото)

Детали

вторник, 28 декември 2021

„Најубавиот период од целата година е токму овој. Со себе носи мирис на убави чувства, мисли, емоции. Нè навраќа на убавите детски спомени поминати во кругот на семејството …“, раскажува Драгана Ѓорѓиевска (31) од Гостивар. Се согласувате ли?

Кога зборуваме за магично украсени новогодишни домови, тогаш дефинитивно мислиме на домови како оној на Драгана Ѓорѓиевска (31) од Гостивар.

Таа живее во стан со сопругот и двете дечиња и во овој период од годината тој изгледа како сцена од новогодишна бајка.

За CRNOBELO.com Драгана вели:

„Најубавиот период од целата година е токму овој. Со себе носи мирис на убави чувства, мисли, емоции.

Нè навраќа на убавите детски спомени поминати во кругот на семејството. Кога бевме многу среќни и безгрижни, го чекавме Дедо Мраз да дојде низ оџакот и да ни го донесе посакуваниот подарок.

Со малку креативност може да се изработат интересни новогодишни украси. Создадете пријатна атмосфера во која ќе уживате вие и вашето семејство.

Секоја година мојот дом блеска во различни бои. Светилки, лампиони, подароци насекаде. Со гласна музика и насмевка, да ја дочекаме новата година, да испишеме нови 365 дена со здравје, среќа и благосостојба.

Фотографии од нејзиниот дом:

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело