Скриен ресторан покрај канал во Венеција со најубавиот поглед во градот - хит на Инстаграм (фото)
- Детали
- вторник, 15 февруари 2022
Ресторан на „тајна“ локација, во кој има само една скриена маса за да уживате во интимноста, а пред вас ќе има совршен поглед кон Венеција. Со кого би го посетиле ресторанот Ai Barbacani за да ја искусите убавината на градот?
Сам по себе, Венеција е град како никој друг – бројните канали, гондолите, интересните мовчиња и прекрасните градби се сосема доволни да ве фасцинираат.
Сепак, во Венеција можете да најдете и бројни локали кои се истакнуваат над сè што сте виделе.
Токму ваков е ресторанот Аi Barbacani кој е скриен од метежот на градот и го нуди можеби најубавиот поглед во Венеција.
Во ресторанот има маса сместена пред огромен прозорец кој гледа на каналот Санта Марија Формоза и е на речиси исто ниво како водата во него.
Кога ќе седнете на масата, пред вас се гледаат дел од каналот, две мовчиња и неколку градби, а бидејќи е понастрана од центарот на градот, можете да бидете сигурни дека ќе уживате во интимна атмосфера.
Градбата во којашто е сместен ресторанот е многу стара и порано се користела како продавница за јаглен. Во ресторанот е зачуван дел од стариот ентериер, што придонесува за неговиот шарм.
https://www.instagram.com/p/CW05x6dMHwO/
Ресторанот, односно масата сместена покрај самиот канал, е вистински хит на Инстаграм, а фотките во продолжение ќе ви покажат зошто:
https://www.instagram.com/p/CXb9qi0s_ET/
Спирова С. | Црнобело
Би можело да ве интересира:
Препорачуваме
Најчитани неделава
