На гости кај Кристина и Ѓоко: Стан во Скопје со „хармоника“ врата и предмети наследени од баба и дедо (фото)

Детали

сабота, 19 февруари 2022

„Отсекогаш знаев дека еден ден кога ќе имам сопствено живеалиште ќе сакам да доминираат ретро елементи. Имаме чајници од баба ми, витрина од дедо му на Ѓоко, како и две уникатни радија кои ги обожаваме и кои ни се подарок од дедо ми. Едното е од 53-та, а другото од 56-та година...“, раскажува Кристина од Скопје, доктор на Клиниката за неврологија, за станот во Скопје, каде живее со сопругот Ѓоко.

Кристина од Скопје, доктор на Клиниката за неврологија, со сопругот Ѓоко живее во стан во Скопје од 64м2.

Во станот доминира дрвото и уникатните винтиџ детали, па токму поради тоа атмосферата има неверојатна топлина.

Интересно е што дел од тие предмети се наследени од нивните баби и дедовци и за нив имаат голема емотивна вредност.

За уредувањето на станот Кристина споделува за CRNOBELO.com:

„Отсекогаш знаев дека еден ден кога ќе имам сопствено живеалиште ќе сакам да доминираат ретро елементи.

Кога го купивме станот, беше стар и мораше да се реновира темелно, но едно нешто во кое што се заљубив на прв поглед беше старата дрвена „хармоника“ врата која одлучв да ја зачувам и мислам дека одлично се вклопи.

Иако, мора да признаам дека до самиот крај бев во неизвесност.

Многу им се радувам на старите чајници и шолјички секојпат кога ќе ги погледнам. Чајниците ми се наследство од баба ми.

Имаме и стара витрина која планираме да ја освежиме во некоја друга боја во иднина. Таа пак ни е подарок од дедо му на Ѓоко.

Кога го биравме мебелот за дневната соба, сè што ни се допаѓаше беше нијанса на боја на орев, па моравме малку да го освежиме просторот со жолтата гарнитура.

Продолжува на следната страна...