На гости кај Софија Јанева: Стан од 84m2 со мермерен шанк и „walk-in“ гардеробер (фото)

Детали

сабота, 18 февруари 2023

„Кога биравме стан најважно ни беше да биде пред сè на добра локација, светол и функционален. Моето омилено катче од станот се наоѓа во спалната соба, а тоа е „walk-in“ гардероберот. Како личност што обожава чанти, потпетици, капи и аксесоари овој гардеробер ми е остварување на соништата“, споделува инфлуенсерката Софија Јанева за CRNOBELO.com.

Софија Јанева e наша инфлуенсерка со повеќе од 29.000 следбеници на нејзиниот Инстаграм профил, каде споделува детали од своите патувања, но и секојдневие.

Таа вели дека од неодамна го има својот дом од соништата.

Станува збор за стан од 84m2 во општина Центар во Скопје, во кој живее заедно со нејзиниот дечко.

Станот е хармонично уреден, а во него преовладуваат светлите тонови.

За уредувањето на нејзиниот дом Софија открива за CRNOBELO.com:

„Кога биравме стан најважно ни беше да биде пред сè на добра локација, светол и функционален.

Пример, во кујната сите апарати за домаќинство се вградени и не се гледаат, а тоа не само што придонесува кујната да има минималистички и модерен изглед, туку е многу полесно за чистење и одржување.

Најомилениот дел во кујната ми е мермерниот остров со шанк столчиња што редовно ги користиме, посебно кога сме во брзање и сакаме брз појадок или кога дечко ми ги прави неговите врвни коктели.

Дневната си има свој посебен шарм, а трпезаријата е најсветлиот дел од станот.

Моето омилено катче од станот се наоѓа во спалната соба, а тоа е „walk-in“ гардероберот.

Како личност што обожава чанти, потпетици, капи и аксесоари овој гардеробер ми е остварување на соништата.

Продолжува на следната страна...