Како да јадете сè, а да слабеете? Тајната е во хроно исхраната

Ако сакате да јадете и истовремено да бидете послаби, тогаш треба да го разгледате хроно начинот на исхрана.

Овој тип на исхрана, која никако не спаѓа во категорија диети, е oсмислена уште во 1986 година во Франција, но дури сега се актуализира на нашите простори.

Нејзината предност е што не ги броите калориите или количината на храна која ја внесувате, а истовремено можете и да ги комбинирате намирниците.

Основното правило што треба да го почитувате е времето кое треба да помине помеѓу два оброци. Појадокот, ручекот и вечерата мора да ви се на растојание од минимум 4 до максимум 6 часа, односно, идеално е да ги темпирате на 5 часа.

За појадок смеете да јадете сè што ќе посакате - масти, протеини, јаглехидрати, со тоа што ќе ги избегнувате пченицата и пченката. Од брашната дозволени се сите останати.

Можете и да јадете сувомеснати производи, само гледајте да бидат со минимална количина адитиви.

За ручек можете да консумирате посилни протеини, како што е јунешкото, свинското или телешкото месо, но без јаглехидрати. Ако јадете јахлехидрати, тогаш јадете ги со зеленчук. Исто така, комбинирајте што повеќе свежи плодови ви вид на салати.

За вечера, исто така се препорачува протеински оброк, но овој пат полесен. Идеален избор е рибата или белото месо. Понекогаш, можете да каснете и салата со младо сирење. И за вечера се комбинира исклучиво или бел или зелен зеленчук.

Слатко, па и овошје, се јаде исклучиво попладне помеѓу ручекот и вечерата. Најдобар избор е чоколадата со најмалку 70 проценти какао или сувото овошје како смокви и сливи.

Овие правила можете да ги следите до крајот на животот, не да ги практикувате како диета.

Ако сакате побрзо да симнете повеќе килограми, тогаш би требало да се придржувате кон рестриктивниот период.

Во него, потполно се исфрла ужината, вклучувајќи повеќе овошје. Исто така, привремено ќе треба да се откажете и од зеленчуците со скроб, како и јаглехидратите за ручек.

Има некој искуство со овој начин на ихрана? Какви се резултатите? Ако не, ипробајте и споделете го искуството...