Народни лекови за слабеење кои можете да ги пробате уште денес

Кои билки и намирници им помагале на минатите генерации да ослабат? Тогаш килограмите се намалувале исклучиво по природен пат, со домашно подготвени рецепти кои можете и вие да ги пробате уште денес.

Слабејте здраво и безбедно:

Чај од конци од пченка

Во една шолја врела вода, но не зовриена, потопете една лажица конци од пченка и оставете ги да отстојат 5-10 минути. Во текот на денот потребно е да пиете по 5 шолји ваков чај, во растојание од неколку часа. Овој пијалак нема никакви штетни дејства и може да го користите во подолг временски период.

Јаболков оцет

Јаболковиот оцет ги топи мастите и го забрзува метаболизмот, што е совршена комбинација. Ставете една лажичка оцет во чаша вода и испијте пред појадок. Можеби не толку вкусна навика која дава видливи резултати.

Целер

Целерот е билка која се вели дека има негативни калории. Што значи тоа? Дека за време на варењето трошите повеќе калории, отколку што сте внеле при неговото консумирање. Се препорачува за подолго чувство на ситост.

Семки од маслинка

Старите баби сигурно ќе ви кажат дека нема ништо страшно да проголтате неколку семки од маслинки, затоа што тие ќе го намалат чувството на глад заради тоа што тешко се варат. Притоа го намалуваат лачењето на желудочна киселина и создаваат пријатно чувство во стомакот. Само не претерувајте, доволна е една семка дневно.

Кокосово масло

Ако јадете храна подготвена со кокосово масло подолго ќе останете сити и помали се шансите да огладнете меѓу оброците.

Ким

Источните народи веруваат дека црниот ким го спречува дебелеењето, па затоа го користат на намирници кои обично лесно дебелеат (леб и печива).

Мед и цимет

Секое утро, половина час по појадокот и навечер пред спиење се препорачува да консумирате по една лажичка мед и цимет, растворена во топла шолја вода.