Спас во последна минута: 5-дневна летна диета со лубеница

Лубеницата е слатко овошје преполно со вода, кое одлично ја залажува желбата за храна и притоа поволно влијае на системот за варење.

Влакната со кои е богата ќе ве држат подолго сити и ќе спречат прејадување.

Сепак, овој тип на исхрана не се препорачува долгорочно. Диетата држете ја само 5 дена и потоа направете пауза од 7 дена.

По потреба, потоа повторете.

Запаметете дека треба секојдневно да пиете по 8 чаши вода, чај или свежо цеден сок.

Појадок:

Секој ден е ист – парче лубеница и вашиот омилен утрински пијалак, кафе или чај, без шеќер. Парчето лубеница би требало да е околу 300-350g.

1 ден

Ручек: 100g варено говедско месо, 100g варен ориз со доматен сос и парче лубеница.

Вечера: 50g сирење, парче тостиран леб.

2 ден

Ручек: Тост леб, 50g варени пилешки или мисиркини гради, парче лубеница.

Вечера: 100g печена риба на скара, парче тост леб и сезонска салата.

3 ден

Ручек: 30g шпагети со сирење и домат, парче лубеница.

Вечера: Мешана салата од домати, краставици, пиперки, кромид, зелена салата, 50g сирење и парче лубеница.

4 ден

Ручек: Чинија супа од зеленчук, парче леб, 50g варено пилешко месо, парче лубеница.

Вечера: 2 варени компири со пармезан, сезонска салата, парче лубеница.

5 ден

Ручек: 50g варено говедско со шампињони, парче леб, парче лубеница.

Вечера: 50g младо сирење, 2 парчиња тостиран леб, парче лубеница.

Внимание: Кај луѓето чувствителни на подигнување на шеќерот во крвта, потребна е консултација со лекар и задолжително комбинирање на лубеницата со намирници со низок гликемиски индекс, како јаткасти плодови, вишни, леќа, јаболка... Тоа не мора да биде во истиот оброк, но во растојание од неколку часа.

М. Д. | Црнобело