7 тајни на слабите луѓе – што прават поразлично од вас со цел да останат витки?
Спонзорирано од:
Спонзорирано од ОгласиЗаРабота.мк
Фризеркa 29-09-2020
Forum Manager 29-09-2020


7 тајни на слабите луѓе – што прават поразлично од вас со цел да останат витки?

Сигурно и вие ги имате во опкружувањето – луѓе кои навидум не внимаваат на исхраната, а сепак се во топ форма, витки се, и имаат одлична здравствена состојба.

7-tajni-na-slabite-lugje-sto-pravat-porazlicno-od-vas-so-cel-da-ostanat-vitki-01.jpg

Можеби сте им малку љубоморни, но бидете сигурни дека нивната фигура не доаѓа толку едноставно и сепак се трудат за неа. Можеби само имаат неколку различни трикови од вашите за здрава, фит линија.

Прочитајте ги седумте тајни на слабите луѓе:

Знаат кога да кажат НЕ

Жените кои ја одржуваат оптималната тежина без проблем знаат да им кажат НЕ на грицките, десертите на крајот од оброкот или пржените компирчиња за ручек. Секој ден е специјален сам по себе, но тоа не значи дека истиот треба да се „прослави“ со дополнителни, непотребни калории.

Обожаваат да зборуваат за време на оброкот

Храната треба да се јаде полека и да се џвака внимателно, со еден збор да се ужива во неа и да му се даде време на мозокот да испрати сигнал дека вашиот желудник е полн, за што му се потребни околу 20 минути.

Истражувачите откриле дека луѓето кои повеќе комуницираат за време на оброците имаат тенденција да изедат помалку.

Не си го губат времето (и парите) на диетални намирници

Продуктите со намален процент на масти или шеќери звучи одлични во теорија. Но, досега ви е веќе јасно дека ваквите производи содржат многу хемиски материи, односно адитиви.

Ваквиот тип на храна може да да го наруши хормоналниот баланс и да го покачи нивото на шеќерот во крвта. На овој начин наместо да го намалите вишокот на килограми, немојте да се изненадите доколку го зголемите.

Не се одрекуваат од речиси ништо

Во правилникот на слабите луѓе не постои такво нешто како лоша храна. Доколку се одречете од некои намирници или видови на јадења, ќе завршите со неверојатна желба и глад за консумирање на истите и веројатно ќе претерате со нивното јадење.

Токму затоа слабите луѓе најчесто јадат сè, но умерено.

Спијат доволно

Телото се обидува да го надомести недостатокот на сон во текот на денот со енергетски, кофеински напитоци, како и слатка и/или мрсна храна. Доколку сакате да јадете умерено, тогаш легнете си навреме и овозможете му на телото 7 часа непрекинат сон.

Експериментираат во кујната

Здравата храна не значи во превод досадна храна. Луѓето кои користат многу зачини во готвењето и се заинтересирани за испробување на нови рецепти имаат помали шанси да паднат во стапицата на претерано консумирање на калорични оброци.

Црниот пипер и чили пиперчињата се одлични забрзувачи на метаболизмот и треба да ги вметнете во своите рецепти.

Не ги бројат калориите

Дури и здравата храна има потенцијал да биде калорична. Доколку опсесивно броите калории ова може да ве спречи да јадете многу важни намирници, како што е рибата, јаткастите плодови или темното чоколадо.

Слушајте ги сигналите кои ви ги испраќа сопственото тело и јадете балансирано без да се грижите за калориите. Имајте секогаш на ум дека е битен квалитетот, а не квантитетот.

(О)Милена | Црнобело

Би можело да ве интересира:

Диета со леб – Ослабете до 10 килограми за половина месец Зарем постои личност која не сака свежо печен леб? Но, проблемот е што лебот мож...
7 правила со кои никогаш повеќе нема да кажете: „Морам да почнам со диета“ Здравата храна во никој случај не треба да биде мода или предизвик за убаво тело...
Жолта диета - Исхрана со која намалувате 4 килограми за 8 дена Сончевата или жолта диета е идеална за кога ќе пристигнат топлите, сончеви денов...

Најчитани неделава