Како да слабеете здраво? Исхрана според биоритамот

Повеќето диети се занимаваат со тоа што и колку количински треба да јадете, притоа запоставувајќи го фактот во кое време треба да се зема храната.

Меѓутоа, поборниците за здрава исхрана според биоритамот, прават нешто поинакво: јадат што ќе посакаат, но во строго ограничено време.

Кога е најдобро да јадете и што, според нутриционистите? Ова е деталниот план на исхрана:

Од 6 до 10 часот наутро, желудникот и цревата се максимално активни. Токму тогаш е право време да појадувате и малку потешка храна. Кога го подготвувате појадокот, подгответе и една чаша вода со 1 лажичка сок од лимон и 1 лажичка мед. Испијте ја на гладно.

За појадок јадете храна богата со влакна, јаглехидрати и белковини. Тогаш храната комплетно се апсорбира и се претвора во енергија. Не се залажувајте со каши и овес, првиот оброк треба да биде кралски.

Од 9 до 13 часот е време за голем ментален напор и лесна ужина. Чајот со рака шумско овошје, лесен јогурт или банана е сосема доволно.

Од 13 до 15 часот, цревата и желудникот се повторно активни. Тоа е време телото е богато со ензими кои ги разложуваат шеќерите и скробот. Не се плашете од порција 150g месо, пилешко или риба, гарнирани со зеленчук.

Од 16 до 17 часот се активира системот за излачување, па ова е идеален период за спортска активност. Не заборавајте и да ги надокнадите изгубените течности.

Помеѓу 17 и 19 часот, време е за лесна вечера. Идеално би било да каснете запечен зеленчук со риба или пилешко, младо сирење и незасладено овошје. Имајте на ум дека вечерата треба да биде половина количина од појадокот.

По 19 часот се забавуваат сите процеси, па ако случајно почувствувате глад додека си легнете, доволно е да се напиете чаша кефир или неколку шолји чај од билки, без мед или шеќер.

М. Д. | Црнобело