Портфолио диета: Најдобра за здраво срце, лесно ќе ослабите, без јо-јо ефект и откажување од храна

Тајната на диетата Портфолио не се комплицираното броење калории или гладувањето, туку суптилни, квалитативни и постепени промени во исхраната. Фокусот е на овошјето и зеленчукот, но и на житариците, растителното масло, сојата и мешунките.

Оваа диета ќе ви помогне да го симнете вишокот килограми без да го загрозите вашето здравје, како и да ја одржувате целната тежина на долг временски рок. Вашите резултати ќе зависат од изборот на храна. Накратко, идејата е да се јаде подобро, а не помалку.

Клучни работи што треба да се следат:

Балансирајте

За да ослабите, диетата Портофолио вели дека не треба да се лишувате од храна, туку треба да консумирате поздрави намирници.

На пример, дозволено е месо (по можност бело), но не треба да го јадете повеќе од четирипати неделно. За да ја балансирате и оптимизирате вашата исхрана внесувајте повеќе овошје, зеленчук, риба и растителни протеини (соја, мешунки и житарки) секој ден.

Ограничете го внесот на шеќер

Рафинираниот шеќер и храната што го содржи го покачуваат нивото на шеќер во крвта и го поттикнуваат телото да складира шеќер во облик на маснотии. Треба да се ослободите од навиката постепено да посегнувате по слатка храна и да јадете повеќе природна храна наместо рафинирани, слатки производи.

Заменете го рафинираниот шеќер со засладувачи како мед, јаворов сируп или овошје (овошен шеќер).

Започнете со замена на производи

Заменете ги производите од бело брашно (леб, тестенини) со производи од интегрално брашно. Заменете ги рафинираните житарки (леб, тестенини, ориз, итн.) со цели зрна, семки и јаткасти плодови.

Преработената храна заменете ја со варена или свежа храна, а животинските масти со растителни.

Движете се

Пешачење 30 минути дневно е минимумот. Обидете се воедно да вежбате најмалку двапати неделно.

Додајте влакна во исхраната

Стекнете навика да јадете разновидно овошје и/или зеленчук со секој оброк. Јадете повеќе и сушено овошје и додајте трици во вашите оброци. 

Се препорачува да се јаде што повеќе овес и јачмен од житарките, а модар домат од зеленчуците.

Дајте им предност на незаситените масни киселини

Заситените масни киселини кои потекнуваат главно од животински производи (месо, путер, сирење, итн.), имаат тенденција да ги затнуваат артериите и да го зголемуваат холестеролот, додека незаситените масни киселини го намалуваат нивото на холестерол во крвта.

Полинезаситените масни киселини се наоѓаат во продукти од растително потекло како што се шафранот, пченката, маслото од соја и маслото од ленено семе.

Во маслиновото масло доминираат мононезаситените масни киселини (олеинска киселина), кои не се суштински (телото може само да ги создаде), но имаат позитивно влијание врз здравјето на луѓето.

Грст јаткасти плодови дневно

Бадемите се најдобриот избор од овој тип на јаткасти плодови, но ќе ви послужи какво било јаткасто овошје – ореви, костени, кикиритки, лешници, ф’стаци, бразилски ореви, индиски ореви…

Примери за дневно мени од диетата Портфолио:

Појадок

1. Шолја чај, растително млеко (од соја, бадем и слично) и мусли без шеќер, шолја сезонско овошје по желба.

2. Шолја чај, една или две кришки интегрален леб, парче чаден лосос, шолја свежо нискомаслено сирење, едно киви.

3. Шолја чај, соја јогурт со една рака јаткасти плодови (бадеми, ореви, лешници), една банана.

Ручек

1. Салата од ориз, туна, краставици и домати, шолја свежо нискомаслено сирење, овошје по избор.

2. Салата од моркови, две тврдо варени јајца, еден домат, јогурт, една рака ореви и бадеми.

3. Сендвич со интегрален леб и козјо сирење, зелена салата и пилешко филе, две мандарини.

Вечера

1. Марула со ореви, едно печено пилешко филе со тиквички на пареа, една круша или сезонско овошје.

2. Парче мисиркин стек со динстувани печурки, интегрални тестенини, зелена салата, едно парче ананас.

3. Салата од цвекло, парче лосос на скара, спанаќ со павлака од соја, две мандарини.

Ужинки

Грст јаткасти плодови, шолја варен интегрален ориз, млеко од соја или овес, соја јогурт, свежо овошје или зеленчук.

*Пред да започнете со оваа диета, задолжително консултирајте се со вашиот лекар.

(О)Милена | Црнобело