„Пиев јаболков оцет секое утро, цел месец – дали ослабев?“

„Првиот ефект што го забележав беше дека јаболковиот оцет ми го намали апетитот, ми помогна со варењето на храната, а по еден месец, стомакот ми беше благодарен“ – тврди авторката која еден месец пиела јаболков оцет. Какви ефекти забележала и дали ќе продолжи да пие јаболков оцет во иднина?

Трикот за витка линија на нашите баби бил во јаболковиот оцет. Тие честопати знаат да кажат дека секое утро додека биле млади пиеле по една лажица јаболков оцет за да бидат слаби, а овој метод денес се чини дека е заборавен.

Новинарката на порталот „Eat This, Not That“ Кајла Гаритано одлучила во период од еден месец да пие јаболков оцет и да види што ќе се случи, како делува оваа метода за слабеење и каков ефект  ќе има на нејзиното целокупно здравје.

Нејзиното искуство ви го пренесуваме во целост:

„Јаболковиот оцет е сок од јаболко што двапати ферментирал. Вообичаено луѓето го пијат од здравствени причини и за да ослабат. Јаболковиот оцет содржи повеќе природни бактерии и габички, што може да се забележат во белиот талог што се собира во шишето.

Еден месец секое утро пиев јаболков оцет и забележав повеќе промени во моето тело, но, мора да признам дека не ослабев.

Јаболковиот оцет има мошне силен вкус и може да биде тежок за пиење. По поголемо истражување најдов рецепт за пијалак со јаболков оцет до кој се придржував:

240ml топла вода;
1 голема лажица органски мед;
прстофат цимет;
2 големи лажици органски јаболков оцет.

Вкусот на јаболковиот оцет стана поподнослив, а медот и циметот исто така ми помогнаа за подобрување на мојата здравствена состојба. 

Овој пијалак го пиев секое сабајле, кога ќе се разбудам со цел да го прочистам телото и да ми помогне со варењето, но веднаш по него морав да се напијам кафе за да можам да го продолжам денот.

Не направив никаква промена во исхраната, а на првиот ден кога го започнав експериментот се измерив и ја запишав сопствената тежина. Секоја недела проверував дали сум ослабела и дали пијалакот има некаков ефект.

Првиот ефект што го забележав беше дека јаболковиот оцет ми го намали апетитот. Иако секој ден имав по три оброци, не се чувствував прегладнето во текот на денот, намалив на грицките и консумирав помалку храна за време на оброците.

Иако тоа што намалив на нездравата храна и помалите порции само по себе може да придонесат за намалување на килограмите, мора да се напомене дека јаболковиот оцет не е „храна“ што ги топи килограмите, туку само ви помага во тоа.

Сам по себе јаболковиот оцет не ми помогна да ослабам, но верувам дека ако го комбинирав со добра диета и вежбање ќе ми помогнеше.

Да јадев помалку калорична храна и да вежбав редовно, верувам дека ќе имав сосема поинакви резултати на вагата.

Забележав дека јаболковиот оцет ми помогна и за варењето на храната. Се знае дека тој помага да се зголеми нивото на киселини во стомакот и да се подобри варењето, исто така помага да се намалат гасовите и подуеноста во стомакот. Како и да е, стомакот ми е благодарен за оваа одлука.

Во иднина не верувам дека ќе продолжам да пијам јаболков оцет, затоа што веќе по две недели не можев да дочекам овој експеримент да заврши.

Ме нервираше што секое сабајле морам да станам и да го подготвам пијалакот, но, секојпат кога ќе почувствувам дека ми треба прочистување на телото, тоа ќе биде мојот прв избор.“

Б. С. Б. | Црнобело