Варено вино – модерна варијанта

Во серијата топли напитоци за студени денови овој пат ви предлагаме варено вино во модерна варијанта. Прочитајте како да го подготвите....

Потребни состојки:

• 1 l црно вино (може суво или полу суво, какво ќе одберете вие)
• 0,2 l вода
• 1 портокал (може и две мандарини)
• 1 јаболко
• 5-7 лажици шеќер (по вкус)
• Малку цимет (на врв од лажиче)

Подготовка:

Неизлупениот портокал и јаболко исечете ги на тркала (може и на коцки).

Во тенџере ставете ги сите состојки и варете на среден оган. Кога ќе зоврие, тргнете го тенџерето. Виното е готово.

Служете го без овошје, во шолја за чај, а може да се пие и студено, како сакате! Добро е на тацната да ставите салфета.

Уживајте! Преубаво е!