ПМС, холестерол - За што сè е добар чајот од маточина?

Чајот од маточина има пријатен вкус, а нуди цела низа здраствени придобивки - од ублажување на симптомите на ПМС, до ублажување на симптоми предизвикани од напнатост и стрес.

Доколку решите денот да го започнете со чај од маточина дефинитивно нема да погрешите.

Чајот од маточина лекува депресија и мигрена, стомачни нарушувања предизвикани од нервна напнатост и слично.

Бројните истражувања покажуваат дека оваа билка е број еден растение за смирувачки, мирен и квалитетен сон кој уште го носи епитетот билка за „емоционално исцелување“.

Ова повеќегодишно растение потекнува од јужна Европа и Медитеранот. Кога се користи надворешно, има антимикробно дејство, особено против херпес.

Освен тоа маточината се препорачува на луѓето кои имаат висок холестерол, висок крвен притисок, респираторни нарушувања, ревматизам…

Овој топол пијалак успешно делува кога станува збор за симптоми на ПМС. Покрај тоа, помага и при менструални проблеми бидејќи ги отстранува болките и грчевите во долниот дел на стомакот.

Делотворен е за смирување на тегобите во желудникот бидејќи го регулира нормалното лачење на желудочната киселина. Спречува грчеви во стомакот, гадење и повраќање, а воедно го чисти телото од токсини.

Периодот кога цвета маточината е цело лето, од јуни до септември.

Чајот од маточина лесно можете да го подготвите доколку имате сува маточина во својот дом. Во 2 дл зовриена вода ставете кафена лажичка сушени билки и оставете да отстои 5 минути.

После тоа потребно е да се процеди, а добиениот пијалак можете да го пиете трипати на ден.

Не треба да го консумираат оние кои имаат проблеми со тироидната жлезда, бремените жени и доилките без претходна консултација со лекар.

В. К. | Црнобело / фото: istockphoto.com