10 најчудни пива некогаш произведени

Во последно време се поактуелни стануваат пивата со грејпфрут, лимон и други овошни вкусови, но ретко кој би се согласил да ги проба.

Ако и вие сте стар љубител на оригиналниот вкус на пивото, овие неколку вкусови негативно ќе ве изненадат, но сепак вреди да ги знаете.

Пица пивото е пиво составено од домат, хмељ и зачини кои се ставаат на пиците. Резултатот од овој експеримент не делува баш неодоливо.

Остригите се додатокот на пивото кој Ирците го обожаваат, додека пивото со вкус на сланина е вистинска атракција во Бруклин.

Во Мексико пивопијците сакаат да консумираат и пиво со вкус на чили лути пиперчиња.

Пивото од банана е со слатко-горка арома и е доста популарно во Велс, како и Крем бруле пивото кое се состои од шеќер, карамела и ванила.

Ако сакате да бидете модерни, но и за време на свечените прилики да го пиете омилениот пијалак, ви го предлагаме ова шампањ-пиво. Чини околу 12 долари и нема човек кој ќе помисли дека пиете нешто друго освен шампањ.

Пивото од кафе е уште еден чуден вкус кој ќе морате да го консумирате во умерени количини, ако веќе го пробате, заради негативното влијание на кофеинот и алкохолот во еден пијалак.

Во летниот период, од април па сè до септември, само во Америка се продава пиво со вкус на свежа лубеница.

Билк, верувале или не, е млечно пиво. Јапонска комбинација од половина шише млеко и пиво.

Би пробале нешто од ова?