Како да подготвите поразличен новогодишен пијалак?

Кога ќе ви здосадат сите стандардни пијалоци и сакате своите најблиски да ги изненадите со нешто креативно и вкусно, овој пенлив предлок веруваме дека ќе ви се допадне.

Освежителниот пунч со шампањ е пијалакот кој совршено ќе ја надополни празничната атмосфера.

За подготовка потребно ви е:

• 1 шолја вода
• Половина шолја шеќер
• 3 стапчиња цимет
• 2 шолји сок од брусница
• Половина шолја сок од ананас
• Шише шампањ
• Ликер од портокал
  
  

Подготовка:

Во длабок сад ставете ја водата, шеќерот и стапчињата цимет и варете околу 5 минути. Потоа извадете го циметот, а течноста оладете ја на собна температура.

Истурете ја течноста во стаклен сад, а потота додадете го сокот од брусница и ананас. Оставете го садот во фрижидер, се до самото послужување.

Пред да го послужите пунчот, во измешаните сокови додадете го оладениот шампањ и ликерот од портокал.

Послужете во високи чаши и декорирајте со шеќер, парчиња портокал или стапчиња цимет.