Проверете дали кафето ве поседува

Оние кои се големи зависници од овој пијалок со сигурност ќе се препознаат, додека пак оние кои едвај пијат едно кафе на ден, овие работи ќе им изгледаат иронични и за потсмевање.

Факт е дека некои луѓе едноставно не можат да живеат без кафето и одат до тој степен што веќе кафето започнува да ги поседува.

Не верувате дека е така? Проверете дали и со вас раководи кафето, а не вие со него:

1. Прва утринска мисла - Се будите од спиење и не помислувате на ништо друго, не сте заинтересирани ниту да зборувате со некого, се додека не го испиете вашето кафе. 

2. Колекција на чаши - Имате огромна колекција на интересни чаши кои веројатно само вие ги користите. Обожавате да купувате огромни чаши во кои би го пиеле утринското или попладневното кафе. 

3. Цитати - Ги обожавате принтаните маички со цитати за кафето бидејќи вие се препознавате во тие мисли, а вашиот Фејсбук статус често го обновувате со нова мисла за утринското кафе. 

4. Кога се прозевате - Всушност вие алармирате дека треба веднаш некој да ви донесе кафе. 

5. Денот го завршувате со - Кафе, бидејќи веројатно веќе нема никакво влијание над вас. Дури и да претерате со кофеинот, сепак може да заспиете. 

6. Утре е нов ден - Кој секако повторно започнува со кафе. Се разбира, ако се успиете или немате време да се напиете утринско кафе ги одложувате сите обврски за еден час подоцна.

Што велите, дали кафето ве поседува?