4 освежувачки, пролетни сокови

Кога овие сокови ќе ги направите сами само тогаш сте свесни и знаете дека пиете овошен и здрав пијалок, за разлика од купечките сокови.

Во овие топли денови најмногу ни е потребно нешто за да ја изгаснеме жедта, па затоа подгответе го соковникот, набавете овошје и погледнете ги рецептите кои ги подготвивме за вашето здравје.

Направете сами полна чаша овошје:

1. Зелен сок

Потребно ви е:

• 1 чаша спанаќ
• 1 чаша кељ
• Половина банана
• 1 рака лешници
• 3 до 5 бразилски ореви
• 1 лажичка цимет
• 1 до 2 лажички какао
• Половина шолја полумасно кокосово млеко

Сите овие намирници ставете ги во соковник и измешајте ја смесата. Откога смесата ќе се изедначи сипајте во чаша и уживајте во незаменливиот вкус на здравиот пијалок.

2. Сок од морков и манго

Потребно ви е:

• 1 манго со средна големина, излупен и исечкан на коцки
• Пола чаша исечкан морков
• Пола лажичка цимет
• Пола чаша кокосова вода
• Четвртина чаша вода

Подготовката е иста, сите намирници истурете ги во соковникот и мешајте додека не се изедначат. Добивате утрински пијалок за енергичен ден.

3. Сок од чоколадо, цвекло и јагода

Потребно ви е:

• Пола чаша излупено и исчекано цвекло
• 1 банана
• 1 чаша јагоди
• Пола чаша кокосова вода
• Четвртина чаша вода
• 1 лажица незасладено како во прав

Измешајте ги сите состојки во соковникот и ќе добиете одличен десерт за попладневен одмор.

4. Сок од малина и бадем

Потребно ви е:

• Пола чаша бадемово млеко
• 1 чаша ниско маслена павлака
• Пола банана
• Пола чаша свежи или замрзнати малинки
• 1 лажичка мед

Измешајте ги сите состојки во соковникот и уживајте во незаменлвиот вкус на здрав и освежителен пијалок од кој никогаш нема да ви биде доста.