Зимски шејкови за брзо согорување на калории

Во текот на зимскиот период секогаш се опуштаме кога во прашање е храната, а подоцна на пролет завршуваме со вишок килограми кои ни создаваат главоболка.

Во студените денови сме помалку активни, па така се спушта и нашиот метаболизмот, а славите и сите празници само дополнително ни одмагаат и ја уништуваат нашата линија.

За да си помогнете себеси и на вашиот организам, неопходно е почесто да консумирате шејкови кои ќе го забрзаат вашиот метаболизмот и ги согоруваат калориите.

Овие пијалаци не само што ќе ви помогнат да ја задржите витката линија, туку и ќе ви дадат дополнителна енергија за наредниот ден:

1. Шејк од ананас и ѓумбир

Ѓумбирот е корен кој одлично влијае врз работата на метаболизмот. Ако не сте љубител на ананас, тогаш можете да го замените со портокал, мандарина или лимон.

Потребни состојки:

• 1 банана
• 1,5 чаша свеж ананас
• 1 кафена лажичка свежо изрендан ѓумбир
• ½ чаша павлака
• ½ чаша сок од ананас

Сите состојки ставете ги во блендер и промешајте.

2. Тропски шејк

Овој е еден од многуте шејкови со тропско овошје по кои не можеме да одолееме. Освен што го забрзува метаболизмот, витамините А и Ц од тропското овошје го зајакнуваат имунитетот.

Потребни состојки:

• ½ чаша исечкани дињи
• ½ чаша манго
• ½ семки од тиква
• ½ чаша ананас
• Малку вода за да го промешате овошјето.

Како и во претходниот рецепт, сите состојки ставете ги во блендер.

3. Шејк од урми

Овој шејк е вистинска енергетска бомба и е ризница на здравјето.

Потребни состојки:

• Урми
• Банани
• Малку цимет
• 1 чаша млеко од бадем или кокос

Сите состојки ставете ги во блендер и миксајте додека да добиете течна смеса.

 Ако сакате шејкови кои се поретки, додајте повеќе течности од рецептот.