Како да подготвите совршено варено вино со рум? (видео)

Се подготвувате за новогодишна и божиќна прослава? Или само сакате да уживате со пријателите на снег, со топло вино во раката?

Овој рецепт за совршено варено вино со зачини и рум ќе го обожаваат сите ваши најблиски, а вас ќе ви донесе многу пофалби, затоа подгответе го уште денес.

Состојки:

• 200g шеќер во прав
• 1 портокал
• 1 лимон
• 1 лимета
• 1 гранче ванила или 2 лажици арома од ванила
• 6 каранфилчиња
• 1 големо стапче цимет или 1-2 лажички цимет во прав
• 1 морско оревче, по желба
• 6 ѕвездички анасон, по желба
• 100ml рум
• 2 литри вино

Подготовка:

Прво го ставате шеќерот со сокот од портокал, лимон и лимета, а потоа ги додавате сите зачини.

Истурате половина литар вино и варите додека не добиете густ сируп. Потоа го додавате целото вино и варите 5 минути.

На крајот го додавате румот.

Целата постапка погледнете ја во видеото. Ќе ви се припие во истата минута!