Греана ракија во студените денови, еве како да ја приготвите правилно!

Некои ја пијат за циркулација, други за раздвижување и загревање на телото, а трети воопшто не знаат како се подготвува.

За тие што досега се немаат осмелено да ја приготват, постојат два рецепти кои мора да ги научат и да подготват греена ракија барем еднаш во животот која ќе ги згрее во студените денови.

Прв рецепт:

Ставате шеќер во ѓезве, пола кафена лажица за секоја чашка и оставате убаво да се загрее, но не да се стопи, а потоа ставате ја ракијата во ѓезвето и мешајте додека не почне да врие.

Овој рецепт ќе ја спречи болката во главата од јаката миризба на ракијата со тоа што истата ќе се измеша со миризбата на изгорениот шеќер и ќе му даде посебен шмек.

 
Втор рецепт:

Ставате ракија и шеќер истовремено во ѓезвето, не повеќе од пола кафена лажица по чашка и мешајте полека додека не зоврие, а потоа ставате ја во чашка и испијте ја набрзина!

Ако ви е првпат, добро е да имате чаша вода при рака за да се разладите.

Топлата ракија најдобро се комбинира со шеќер, па затоа двата рецепти вклучуваат шеќер во нив. Се препорачува рецептите да ги приготвите исклучиво со лозова ракија бидејќи таа најдобро се вклопува со шеќерот.

Топлата ракија нека ве згрее макар и за момент во овие студени денови!