Рецепт за највкусното топло чоколадо кое сте го пробале до сега

Можете на прсти да ги наброите луѓето или локалите кои знаат да подготват совршено слатко и густо чоколадно задоволство на кое буквално ќе се навлечете.

Овој рецепт е проверен од францускиот шеф Жак Торес и затоа топло ви го препорачуваме.

Потребно ви е: (состојките варираат во зависност од количината и густината која ја сакате)

• Квалитетно чоколадо со најмалку 60% какао
• Полномасно млеко
• Млеко во прав
• Густин, по желба

Подготовка:

1. Стоплете 250ml млеко (за 4 лица).

2. Измешајте 50g млеко во прав и 3-5g густин.

3. Подгответе 150g квалитетно чоколадо и исечкајте го на парчиња.

4. Во жешкото млеко ставете ги парчињата чоколадо. Константно мешајте.

5. Додајте го млекото во прав со густин и константно мешајте додека млекото не зоврие.

6. Послужете со шлаг, цимет, чоколаден прелив, рендано чоколадо...

Правило кое мора да го почитувате: Никогаш не дозволувајте млекото да зоврие пред да го додадете чоколадото!