Разладување со вкусни коктели од пиво

Пивото е посебно вкусно во летните денови, кога се што сакате е една голема кригла со совршена доза на пена и меурчиња.

Но, пивото најчесто се пие чисто, па многумина не се обиделе да го послужат како основа на коктел.

За летното разладување да добие поинаква арома, ви ги предлагаме овие пивски коктели:

Пиво со вотка и лимон

Во блендер ставете неколку коцки мраз, додајте 200ml сок од лимон и 350ml вотка и светло пиво. Се измешајте во блендер и послужете во оладени чаши.

Лубеница со пиво

Исчистете околу 3 килограми лубеница, а потоа измиксирајте ја во блендер. Додајте малку шеќер и мешајте додека не се растопи. Кога ќе биде готово, ставете да отстои 1-2 часа во фрижидер. Додајте овошен ликер по желба и 1,5 литар светло пиво. Послужете со мраз.

Карипски ликер со јаболко

Измешајте 40ml рум со 30ml сок од јаболко и 15ml сок од лимон. Ставете во чаша и прелијте со светло пиво. Декорирајте со парче јаболко и цимет по желба.

Muddy Puddle

Земете една чаша за пиво и по страните ставете малку шербет, а потоа на него залепете неколку издробени кикирики. Измешајте 90ml црно кафе со 40ml бурбон и прелијте со 120ml темно пиво.

Ирска бомба

Ставете 15ml Бејлис ликер и 15ml виски во мала чашка за ракија. Малата чаша ставете ја во една кригла и прелијте со 1 мало темно пиво.