Вреди да пробате: Лимонада со лубеница

На идеите за освежување во овие пеколни денови им нема крај, а оваа лимонада со лубеница е уште еден предлог.

Состојките не претставуваат голем трошок, подготовката не зема многу време, а крајниот резултат е подобар од сите купечки сокови и води со арома.

Потребно ви е:

• 4 шолји лубеница без семки
• 3 ½ шолји вода
• 2 лажици мед
• ½ шолја сок од свежо цеден лимон
• Парчиња лимон
• Нане, по желба

Подготовка:

1. Во мал сад на рингла ставете ½ шолја вода и 2 лажици мед, па мешавината оставете ја да зоврие. Постојано мешајте.

2. Ставете ја лубеницата во блендер и матете додека не добиете густа смеса. Процедете го сокот од лубеница ако не сакате да има парчиња.

3. Промешајте го сирупот со 3 шолји вода и сокот од лимон.

4. Наполнете една чаша со мраз, додајте го сокот од лубеница, а потоа дополнете ја чашата со лимонадата. Благо промешајте и украсете со парчиња лимон и нане.