3 есенски пијалаци кои ќе ве загреат

Есента е идеален временски период за комбинирање на сезонското овошје со некои од омилените пијалаци како што се кафето, топлото чоколадо и виното.

Токму затоа, можете да ги употребите овие три интересни есенски рецепти за подготовка на вкусни пијалаци во кои нема да уживате само вие, туку и вашите пријатели.

Кафе со арома на тиква

Потребни состојки:

• ½ шолја млеко
• 3 лажици испасирана тиква
• 1 лажичка екстракт од ванила
• 2 лажички шеќер
• 1 до 2 мали шолји еспресо или кафе по желба
• Цимет

Подготовка:

Во сад измешајте ги млекото и испасираната тиква. Варете ги на средна температура 30 до 45 секунди.

Во садот додадете го екстрактот од ванила и шеќерот. Состојките блендирајте ги 30-ина секунди додека не добиете на површината малку пена.

Состојките ставете ги во поголема шолја, додадете го кафето и ставете малку цимет.

Нутела топло чоколадо

Потребни состојки:

• 1 шолја млеко
• 2 ½ лажици Нутела
• 1 лажица какао
• 1 шолја шлаг од изматена слатка павлака
• 2 лажици шеќер
• ½ лажичка екстракт од ванила

Подготовка:

Во сад на средна температура ставете ги млекото, Нутелата, какаото и мешајте додека не се соединат состојките. Кога ќе забележите дека смесата започнува да се крева, вашето топло чоколадо е готово.

Ставете го во поголема шолја и започнете со подготовка на шлагот. Претходно изматената слатка павлака, шеќерот и екстрактот од ванила помешајте ги заедно и додадете ги на топлото чоколадо.

Сангрија од јаболка

Потребни состојки:

• 1 шише бело вино по желба
• 2 ½ шолји сок од јаболка
• 1 шолја кисела вода
• 2 стапчиња цимет (по желба)
• ½ шолја вотка
• 2 исечкани јаболка
• 1 лажица мед
• ½ лажица цимет
• ¼ шолја калинка
• 1 исечкан портокал

Подготовка:

Во голем сад ставете ги исечканите јаболка, калинки и портокал. Додадете ги стапчињата цимет, киселата вода, виното, циметот и медот. Добро мешајте. На оваа смеса додадете ги вотката и сокот од јаболка и уште еднаш добро промешајте.