Зелени пијалаци за чистење на организмот

Зеленчукот и овошјето со зелена боја имаат значително лековите дејство за нашиот организам. Речиси сите тие содржат минимален број на калории, а огромен број корисни витамини и минерали.

Освен тоа, зеленото овошје и зеленчук одлично го чистат нашиот организам и го забрзуваат метаболизмот, па се препорачуваат за детоксикација на организмот.

Пијалаците од зелено овошје и зеленчук може да се консумираат како ужина помеѓу оброците, а се сосема едноставни за подготвување.

Сè што треба да направите е да ставите малку овошје и зеленчук во блендер и да додадете малку вода доколку смесата е премногу густа.

Следните 6 зелени пијалаци ќе ви помогнат да го исчистите организмот од сите токсини кои се наталожиле во него.

1. Јаболко + авокадо + зелена салата + киви

Пијалакот од јаболко, авокадо и киви може совршено да се надополни со зелена салата. Заради ниската калоричност (салатата се вбројува помеѓу десетте најниско калорични диетални намирници) овој пијалак поседува својства кои го подобруваат метаболизмот и на одличен начин го чистат организмот.

2. Краставица + магдонос

Овој пијалак е најдобро да се консумира навечер. Краставицата се состои од 90% вода, па благодарение на тоа, овој пијалак е одличен за жешките летни денови. Само 100 грама магдонос содржат дводневна доза витамин Ц и каротен, нешта кои многу ни недостасуваат во летните денови.

3. Јаболко + лимета + краставица

Лиметата не само што придонесува за исфрлање на токсините од нашиот организам, туку, исто така, има и смирувачко дејство врз нервниот систем, ја подобрува општата здравствена состојба и го подобрува расположението.

4. Пиперка + лимонов сок

На прв поглед сосема необична комбинација, но витаминот Б кој се содржи во зелените пиперки помага во борбата со стресот, го смирува организмот и го подобрува памтењето. Ако константно чувствувате хроничен умор, овој пијалак е одличен избор за вас.

5. Брокула + јаболко + лимета

Брокулата поседува голема количина на протеини, што ја прави незаменлива намирница во исхраната на вегетаријанците. Покрај тоа брокулата е одлична замена за месото, особено во лето кога заради високите температури сите ја избегнуваме тешката храна.

6. Целер + јаболко

Ова е најраспространетата мешавина на зелен пијалак. Целерот покрај тоа што го ослободува организмот од токсините, делува смирувачки врз нервниот систем и ви помага да се ослободите од напнатоста.

М. С. | Црнобело