Рецепт: Маргарита со грејпфрут и луто пиперче

Овој зачинет коктел апсолутно ќе ве освои со лесната подготовка и невообичаениот вкус. Наменет за сите оние кои сакаат малку луто и зачинето, совршена мешавина на текила, грејпфрут и луто пиперче по вкус.

Подеднакво е вкусен и без пиперчето, а доколку се решите да го вметнете во коктелот, имајте на ум дека колку подолго стои пиперчето во течната мешавина – толку полут ќе биде коктелот.

Сите состојки добро се мешаат во длабок сад или бокал и се остава да се излади од 1-3 часа.

Омилената чашка за коктел обложете ја со мешавина од чили пипер, сол и кафеав шеќер и декорирајте со парченца грејпфрут и лимета.

Уживајте!

Потребни состојки:

• 350ml бела текила
• 2 шолји сок од грејпфрут
• 2/3 шолја сок од лимета
• ¼ агаве сируп (или мед)
• 1-2 лути пиперчиња исечкани на кругови

За обложување на чашата:

• 1 лажица црвено чили
• 1 лажица сол
• 2 лажички кафеав шеќер

(О)Милена | Црнобело