Топло варено вино за студените есенски вечери

Сите љубители на вино ќе се сложат дека нема ништо поубаво од чаша варено вино додека го гледате омилениот филм, а надвор температурите се спуштаат до самата нула.

Вареното вино е одличен начин за консумирање на црвено вино во текот на есента и зимата која ниските температури едноставно ве тераат да побарате некаква топла наивка.

Со следниот рецепт ќе можете да научите како да си направите вкусно варено вино и сами дома.

Потребни состојки:

• 1 l црвено вино 
• 250 ml вода
• 4 лажици шеќер
• ½ лажичка цимет во прав
• 2 лажички каранфилче
• портокал или мандарина исечени на тенки парчиња

Подготовка:

Во длабок сад ставете ги виното, водата и зачините.

Почекајте смесата убаво да зоврие и тргнете ја од оган.

Послужете во стаклени чашки во кои претходно сте ги додале исечените кругови портокал или мандарина.

М. С. | Црнобело