Пијалак за хипстери: Розово пиво со вкус на шеќерна волна

Oмилениот вкус од детството, сега е достапен и во верзија само за возрасни – како алкохолен пијалак за страстните љубители на пиво.

Сладокусци на пивото, подготвени ли сте за нешто сосема ново и невообичаено?

Малата пиварница „Malt Shovel Brewery“ од Сиднеј, одлучи да го создаде најхипстерското пиво во последно време – со темно розова боја и вкус на шеќерна волна.

Како дошле на идеја за производство на вакво пиво?

Главниот пивар Крис Шихан ја пронашол инспирацијата во исклучително популарните австралиски ледени стапчиња со вкус на шеќерна волна.

Додека за време на паузата се излежувал со студено пиво во едната рака, а ледено стапче во другата, сфатил дека вкусовите на двата производа одлично функционираат заедно.

Како пивска база го зел германското пиво Kölsch (лесно и бледо пиво), во комбинација со посебен екстракт од шеќерна волна и тајната состојка – ванила.

Пивото има автентичен микс на вкусови, па не е реплика на ниту една од состојките поединечно.

Розовите пива ќе ја доживеат својата премиера на австралискиот фестивал на пивото - Great Australian Beer SpecTAPular.

Има ли заинтересирани за дегустација?

М. А. | Црнобело