Алкохолно кремасто задоволство: Нутела ликер

Никогаш доста од Нутела. Тоа слатко кремасто задоволство, за кое луѓето наоѓаат сè повеќе и повеќе начини, да го вметнат во колку што е можно повеќе работи.

Го јадеме во торти, сладоледи, палачинки, а сега може да го измешаме и со алкохол.

Овој ликер од Нутела е превкусен и можете да го додадете во вашето кафе или како замена за чоколаден ликер во вашите коктели.

За ваша среќа, многу е лесен за подготовка, а сигурно ќе си бидате благодарни самите на себе, кога ќе знаете дека го имате во секое време во вашиот дом.

Потребни состојки:

• 240 ml вотка
• 320 ml кондензирано млеко
• 240 ml шлаг
• 220 gr Нутела

Начин на подготовка:

Ставете ги сите состојки во блендер и блендирајте ги додека убаво не се соединат.

Дозволете пената да се повлече, па потоа претурете ја смесата во шише, кое добро ќе го затворите. Можете да го чувате во фрижидер до 2 месеца.

Внимавјте: Маслото од Нутелата може да се одвои ако стои повеќе време, затоа пред сервирање, добро промешајте го ликерот.

А. В. | Црнобело