Освежување за топлите денови: Лимонада со лаванда

Научно е докажано дека лимонадата со лаванда има благотворно дејство врз организмот. Освен што нè освежува,  претставува еден од најприродните лекови за главоболка и истовремено воспоставува баланс во целото тело.

Се подготвува од исушени цветови или етерично масло од лаванда. Цветовите на лавандата содржат повеќе од 150 активни состојки кои делуваат против воспаленија, бактерии, па дури и депресија. Во некои медицински центри во светот, ароматерапијата со лаванда се применува за релаксација на пациентите пред операција.

Во продолжение следува рецепт за домашна лимонада со лаванда:

Потребни состојки:

• ¼ шолја исушени цветови од лаванда или неколку капки етерично масло од лаванда
• 6 лимони, излупени и исцедени
• Мед по желба и вкус
• 5 шолји вода

Подготовка:

Зовријте половина од водата и тргнете го садот од оган. Додадете ги медот и лавандата. Оставете да отстои 20 минути, па процедете и префрлете во поголем сад.

Додадете го лимоновиот сок и остатокот од водата и добро измешајте. Оставете ја лимонадата убаво да се излади.

М. В. | Црнобело